അദ്ദിക്ർ

'അല്ലാഹു അവരോട് സംസാരിക്കുകയോ അവരിലേക്ക് നോക്കുകയോ അവരെ ശുദ്ധീകരിക്കുകയോ ചെയ്യുകയില്ല' എന്നുപറഞ്ഞതിന്‍റെ വിവക്ഷ ഇത്തരം കപടവിശ്വാസി കള്‍ ഫിര്‍ഔന്‍ പ്രഭൃതികളെപ്പോലെ വിചാരണയില്ലാതെ നരകത്തിന്‍റെ അടിത്തട്ടിലേക്ക് വലിച്ചെറിയപ്പെടുമെന്നാണ്. അദ്ദിക്റിനെ ത്രാസ്സായി ഉപയോഗപ്പെടുത്തിക്കൊണ്ട് ഓരോരു ത്തരും അവരവരുടെ വിചാരണ നാലാം ഘട്ടമായ ഇവിടെ വെച്ചുതന്നെ നടത്തണമെന്നിരി ക്കെ അത് പരലോകത്തുവെച്ച് അല്ലാഹു വിധികല്‍പിക്കട്ടെ എന്ന മട്ടില്‍ പരലോകത്തേക്ക് നീട്ടിവെക്കുന്നവരാണ് കപടവിശ്വാസികള്‍. അത് അവര്‍ പരലോക വിശ്വാസം ഇല്ലാത്തവ രും അല്ലാഹുവിനെ നിഷ്പക്ഷവാനായി അംഗീകരിക്കാത്തവരുമായതുകൊണ്ടാണ്. അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും തിന്മ കല്‍പിക്കുകയും നന്മ വിരോധിക്കുകയും ചെയ്യുന്ന കപടവിശ്വാസികളും കുഫ്ഫാറുകളും അല്ലാഹുവിനെ വിസ്മരിച്ചവരായതിനാല്‍ അവന്‍ അവരെയും വിസ്മരിച്ചിരിക്കുന്നു. നാഥന്‍റെ ശാപത്തിനും കോപത്തിനും വിധേയരായ അവര്‍ നരകക്കുണ്ഠാഗ്നി വാഗ്ദത്തം ചെയ്യപ്പെട്ടവരാണ് എന്ന് 9: 67-68 ല്‍ പറഞ്ഞിട്ടുണ്ട്. 2: 99, 174; 3: 10-12; 11: 17-19 വിശദീകരണം നോക്കുക.